Joan-Francés Blanc

OCCITÀNIA

Occitània e la lenga occitana

Occitània es lo nom donat als país de lenga occitana. Aquela lenga es o foguèt coneguda amb d'autres noms : roman (a l'Edat mejana), lenga d'òc (tèrme utilisat per Dante Alighieri), lenga mondina (de Raimond, nom dels comtes de Tolosa). Los noms de sos dialèctes son de còps utilisats per parlar de la lenga tota : provençal, gascon, lemosin, auvernhat.

Sorga : Servici de la lenga occitana

La lenga occitana es una lenga romanica, sortida del latin. Coneguèt, mercé sa situacion minorada, una fragmentacion dialectala de las grandas.

Destrían generalament tres ensems :

  1. lo nòrd-occitan (lemosin, auvernhat, vivaro-aupenc - en iranje sus la carta çai-dessús)
  2. l'occitan mejan (lengadocian e provençal)
  3. lo gascon
D'airals d'interferéncia (de transicion) existísson entre l'occitan e las lengas romanicas vesinas : amb lo francés (creissent) ; amb los dialèctes gallo-italics (parlars "gris").

Doas enclavas occitanas demòran, Labastida-Clarença, enclava gascona en Bascoat e La Gàrdia (Guardia Piemontese), enclava occitana en Calàbria (Sud de l'Itàlia).

I a tanben d'enclavas allofònas en Occitànie : ligurianas en Provença (Biòt, Vallauris) ; d'oïl en Gasconha (Petita Gavacharia de Montsegur, en l'Entre Duas Mars).
 

Pichon repertòri

Sitis que bailegi

Autres sitis

Per òrdre alfabetic N'ai doblidats? Escrivètz-me!
Per m'escriure clicatz aici.

E-mail Free.FR